Oleiros, 6 de outubro de 2021-. O Concello de Oleiros volve poñer en marcha o programa de reforzo escolar dirixido ao alumnado dos centros de ensino público de Oleiros de primaria e secundaria. O obxectivo principal desta acción é previr o fracaso escolar entre os escolares e garantir a igualdade de oportunidades para todo o alumnado.
As preinscricións poderán facerse ata o 18 de outubro, presencialmente na Concellería de Ensino e Xuventude, na Fábrica, ou a través do correo a.candamio@oleiros.org, enviando o formulario de inscrición descargable da web municipal. As clases comezarán a semana do 25 de outubro e terán lugar na Casa da Cultura de Perillo, na casa do pobo de Nós, no Centro Social da Lagoa de Mera e no Centro Cívico de Santa Cruz.