Oleiros, 28 de xuño de 2019-. Durante os meses de xullo, agosto e setembro o Concello de Oleiros oferta rutas guiadas gratuítas polo Monumento Natural Costa de Dexo-Serantes. As persoas interesadas en apuntarse deberán reservar a súa praza chamando ao teléfono 981 618 154.
As visitas realizaranse os mércores, xoves, venres e sábado. Os técnicos municipais de turismo amosarán os valores naturais, culturais e etnográficos deste marabilloso espazo protexido.
A Aula do Mar, situada na antiga casa do fareiro de Mera, serve de punto de atención turística para os numerosos visitantes que se achegan ata ese emblemático lugar. No que vai de ano xa visitaron este museo 5.321 persoas.