Numerosos veciños e veciñas están a denunciar ante o Concello que se lles está a impedir o depósito de residuos no punto limpo debido a que leva días cheo, sen que se retiren os distintos desperdicios e obxectos. Esa inaceptable situación pódese constatar visualmente con todos os contedores a rebosar, amoreamento de grandes electrodomésticos, etc...
Por que o presidente do Consorcio das Mariñas consinte todos estes graves incumprimentos do contrato de recollida de lixo, que supoñen importantes beneficios económicos para a empresa concesionaria?
De non subsanarse a situación de inmediato, o Concello de Oleiros estudará todas cantas medidas sexan necesarias para paralizar o dano medioambiental e hixiénico que se está a causar no municipio polas deficiencias do servizo. Son feitos constatados constitutivos de varios presuntos delitos.
