Tal e como certificaron os técnicos do Concello de Oleiros, no Paraíso non hai ningún vertido de augas fecais. O escurecemento puntual das augas pluviais que desembocan na ría é por terra que procede, principalmente, de escavacións en Montrove, igual que sucede en moitos outros cauces fluviais de calquera outro territorio.
O Partido Popular de Oleiros chegou a utilizar un organismo da Xunta, a Augas de Galicia, para seguir alimentando esta gran mentira. Pero o informe de Augas de Galicia, do que non falan nin o PP nin a prensa, di claramente que non hai contaminación, que é terra, tal e como xa informaran previamente os técnicos do Concello de Oleiros.
Antes de publicar informacións falsas e crear alarmas sociais, a prensa debería contrastar debidamente as noticias interesadas que se dan desde algúns partidos políticos.