Con motivo do pasamento do insigne escritor e amigo entrañable de Oleiros, Xosé Neira Vilas, o alcalde de Oleiros estará presente en Gres (Vila de Cruces) para despedilo no cemiterio, ao carón da súa querida casa e sede da Fundación onde tantas veces recibiu a veciños oleirenses acolléndoos co calor e agarimo que sempre tivo con todos e todas nós.
Oleiros sempre lembrará as vivencias que desde o ano 1989 tivemos ocasión de compartir e gozar con el e a súa compañeira, Anisia.