Oleiros, 4 de maio de 2012-. As escolas municipais de música e danza continúan o proceso de inscrición de cara ao próximo curso docente. O alumnado da Escola Municipal de Música poderán renovar a súa praza ata o próximo día 16, excepto os estudantes de Música e Movemento nacidos en 2004 que poderán facelo o día 15 ás 20.00 horas. Pola súa parte, aqueles nenos e nenas que desexen acceder á escola por primeira vez poderán presentar a súa preinscrición do 23 ao 25 de maio se desexan facelo na disciplina de Música e Movemento e do 26 ao 30 se o fan na de Instrumento. O prazo de formalización para ambas será do 18 ao 21 do próximo mes de xuño. Para consultar dúbidas ou ampliar a información poden contactar coa secretaría da Escola Municipal de Música, sita no Centro Cultural A Fábrica de Perillo, de luns a venres desde as 17.00 ata as 20.00 horas, ou ben a través do 981 639 143.
Pola súa parte, a Escola Municipal de Danza mantén o prazo de renovación de matrícula ata o próximo 16. Mentres que os escolares que desexen acceder por primeira vez poderán presenta a súa solicitude do 23 ao 25 de maio, aquelas persoas nacidas entre 2005 e 2008 e do 26 ao 30 do mesmo mes, os maiores de 8 anos. Así mesmo, o prazo de formalización será do 18 ao 21 de xuño. Para máis información contactar coa escola a través do 981 639 688 ou na sede desta, sita na avenida Valle-Inclán, 24 en horario de 17.00 a 20.00 horas.