Oleiros, 1 de xuño de 2021-. A partir da noite do mércores 2 de xuño o carril rápido da N-VI dirección Madrid, desde o cruce de Sol y Mar ata a altura do concesionario Citroen, permanecerá cortado debido á realización das obras do túnel e da glorieta prevista nesta zona. Está previsto que esta situación se prolongue durante 7 ou 8 semanas.
A partir da noite do xoves 3 de xuño, o carril lento da N-VI dirección A Coruña, desde Rialeda ata a ponte Pasaxe, permanecerá cortado debido á realización das obras de renovación da rede de abastecemento de auga. Está previsto que esta situación se prolongue durante 3 semanas.
Ademais destes cortes, desde a Demarcación de Estradas do Estado informaron que o actual cambio de sentido que existe á altura de Tráfico será pechado e non poderá utilizarse.