O Concello de Oleiros acolle unha nova edición do Festival Internacional de Títeres organizado polo Consorcio das Mariñas. Nesta nova edición, que será a número doce, serán tres as representacións abertas ao público en xeral que farán as delicias dos máis cativos e do público xuvenil. Todas as representacións terán lugar no auditorio do centro cultural A Fábrica, de Perillo. A entrada a todas as representacións será libre, ata completarse a capacidade da sala.
DOMINGO 2 de outubro ás 12.00 horas
“Cineamano”
Nome da compañía: El Ojo Títeres
Procedencia: Uruguai
Técnica: Animación analóxica en tempo real
Idioma: sen texto
Duración:42 minutos
Idades recomendadas: adolescentes e adultos, especialmente recomendado para maiores de 15 anos.
Sinopse: Cineamano toma a forza do cine para expoñer en gran formato secuencias de imaxes e debuxos que van creando unha narrativa visual efímera. A súa execución, en vivo e á vista do público, permite ao espectador contemplar a pintura como proceso creativo, onde a artista crea personaxes en escenarios específicos, novos en cada representación. O ritmo e as imaxes van ligados á música e letra das cancións, narrando historias urbanas, de rúa, que se potencian co trazo expresionista, graffiteiro e o branco e negro.
DOMINGO 23 de outubro ás 12.00 horas
“Os soños na gaiola”
Nome da compañía: Títeres Alakrán
Procedencia: Galicia
Técnica: variadas e teatro de actor.
Idioma: galego
Duración: 50 minutos
Idades recomendadas: A partir de 5 anos
Sinopse: O titiriteiro chega á vila cunha gaiola cargada de soños. Acompáñao o poeta Manuel María transformado en monicreque. Manuel María quere que o titiriteiro represente os poemas que el escribiu para divertir ao público. Para facelo, o titiriteiro pídelle aos integrantes do público que sopren forte para lle axudaren a facer nacer a Alicia, a nena protagonista desta historia. Alicia vivirá unha serie de fantásticas aventuras na súa viaxe por un mundo que lle resulta exótico, éstrano, e mesmo incomprensible.
DOMINGO 23 de outubro ás 18.30 horas
“El niño que soñaba”
Nome da compañía: La Mar de marionetas.
Procedencia: Madrid
Técnica: espectáculo musical de teatro de marionetas
Idioma: castelán
Duración: 60 minutos
Idades recomendadas: a partir de 5 anos
Sinopse: O espectáculo achéganos a historia de Moni, un neno cun talento especial para a música, que vive en Guinea Bissau. Facémonos eco do seu sono e acompañámolo a través do camiño que ten que percorrer para atopalo. En Guinea Bissau, os mitos e as lendas, xunto aos contos tradicionais, arropan a vida dos máis pequenos. Entre acertixos e astucias, os protagonistas destas historias, na súa maioría animais, afrontan conflictos que preparan ao neno para adaptarse á súa propia realidade. Esta obra reflexa a vida cotiá dun “neno que soña”, cantiga a cantiga, ritmo a ritmo, conto a conto.