O sábado 17 de outubro ás 20:30 horas no Auditorio Gabriel García Márquez, de Mera, a compañia Elefante Elegante, presenta seu espectáculo “Kassa”, escrito e dirixido por María Torres e Gonçalo Guerreiro.
KASSA é un espectáculo de teatro visual, inspirado en “A Metamorfose” de Franz Kafka, que se desenvolve en base aos principios da escultura. A estrutura escenográfica, os actores, os bailaríns e as videoproxecións constituen un organismo vivo en constante movemento e transformación que comunica a través dos sons, dos obxectos, das cores, das formas, das luces e dos textos.
As entradas poñeranse á venda a un prezo de 3,50 € a partir das 19:30 horas, ata completar a capacidade da sala.
O espectáculo está dirixido a maiores de 12 anos.