Sábado 26 de setembro ás 20:30 horas
Auditorio Gabriel García Márquez, de Mera
Compañías Exire/Entremans: “Médula”
Autoría, coreografía e dirección: Alba Fernández e Ana Beatriz Pérez
Sinopse: Médula proponse viaxar á orixe do feminino, alegando todo aquilo que nos fai ser o que somos, tecendo o belo e o imperfecto da nosa calidade humana.
A peza fala de todas aquelas pegadas que vai deixando en cada muller aqueloutra que lle precedeu. Vertebradas desde o primeiro son, o rumoreo, as cancións, os relatos das nosas avoas e nais, segredos gardados na pel e nos ósos. Guerreiras e salvaxes, coidando do máis prezado para continuaren vivas e postergármonos nas seguintes.
“Médula” achega a danza ás vidas de todas/os. Volve ás lembranzas das nosas devanceiras conectando unha proposta física que parte da poética de cada artista e propón a riqueza da mestura de calidades de movemento diferentes, co imaxinario de todas, achegando así a danza ao público a través de sensacións comúns.
Elenco: Alba Fernández e Ana Beatriz Pérez
Xénero: danza
Duración: 50 minutos
Público: adulto
Prezo: 3,50 € (As entradas poñeranse á venda a partir das 19:30 horas, ata completar a capacidade da sala).
En atención ás indicacións e medidas de seguridade e hixiene fronte ao COVID-19, todos os espectáculos terán aforo limitado e será obrigatorio manter a distancia de seguridade e asistir con máscara, así como atender as indicacións e normas da organización.
Ao finalizar a actuación haberá unha breve charla/coloquio para falar sobre o espectáculo e a situación actual da danza contemporanea.