O Servizo de Normalización Lingüística organizou para o vindeiro domingo, 20 de maio, ás 12.30 h na Fábrica, un concerto de Paco Nogueiras dentro do programa Apego.
Neste espectáculo Paco Nogueiras convídavos a vivir a radio en directo nun divertidísimo programa cheo de humor, baile e cancións. Temos de todo: deportes, servizos informativos, o tempo, axenda cultural.
A entrada será gratuíta e para inscribirse hai que enviar un correo electrónico a lingua@oleiros.org ou chamar por teléfono a 981 610 000 ext. 4905 e dar os seguintes datos: o nome da nena ou neno, a idade, os nomes das persoas acompañantes, o teléfono e o correo electrónico.