A carta dunha alumna de 2º A de primaria do CEIP Luis Seoane foi a gañadora da carta aos Reis Magos deste ano.
Este concurso, que se desenvolve desde o Servizo de Normalización Lingüística desde o ano 2010, consiste no deseño dunha carta aos Reis Magos para promover o uso da lingua nesta época do ano e fomentar a creatividade dos nenos e nenas. Está destinada a 5º e 6º de infantil e 1º e 2º de primaria dos centros de ensino público do Concello.
Todas as clases participantes recibiron de premio o libro-CD Coas miñas mans de Pablo Díaz.