O domingo 20 de decembro e co obxectivo de pechar o ano, o departamento de Cultura organiza a tradicional xuntanza na que participan todas as corais do municipio, coa fin de intercambiar impresións e felicitarnos o Ano Novo. Con este concerto pretendemos fortalecer a relación entre as diferentes corais municipais existentes e que desenvolven actividades durante todo o ano: A Coral Polifónica Lembranzas de Santa Cruz, o Coro de Oleiros, a Coral Airiños de Nos, o Coro tradicional Dorna e a Coral Polifónica de Mera.
O concerto terá lugar no Auditorio do centro cultural A Fábrica a partir das 19.30 horas. A entrada será libre, ata completar a capacidade da sala.