O Servizo de Normalización Lingüística do Concello programou para o vindeiro domingo Ñam!, de Caramuxo Teatro. As familias do Apego de Oleiros poderán gozar desta obra na Fábrica, onde haberá dous pases, un ás 17.30 e outro ás 18.30 h. Esta obra está recomendada para nenos e nenas de 1 a 6 anos. Este espectáculo está creado a partir do mundo da cociña, para ver, escoitar, ulir, sentir e saborear en familia.
A entrada é gratuíta con invitación, mais para reservar entradas é preciso inscribirse a través dos seguintes formularios:
Sinopse: Comer é un pracer, pero antes hai que cociñar e escoller os mellores produtos, porque as mazás poden ser verdes ou vermellas, as galletas grandes e pequenas, os tomates da casa ou doutro lado do mundo.
A min encántame o salgado !
Pois eu prefiro o doce!
Duración: 30 minutos