Concello de Oleiros

O Concello de Oleiros acolle unha nova edición do Festival Internacional de Títeres organizado polo Consorcio das Mariñas. Nesta nova edición, que será a undécima, serán tres as representacións abertas ao público en xeral que farán as delicias dos máis cativos. Todas as representacións terán lugar no auditorio do centro cultural A Fábrica, de Perillo. A entrada a todas as representacións será libre, ata completarse a capacidade da sala.

DOMINGO 11 de outubro ás 12.00 horas

 “A danza das marionetas”

 Nome da compañía: Plansjet

Procedencia: Bélxica

Técnica: fíos

Idioma: castelán e musical

Duración: 45 minutos

Idades recomendadas: todos os públicos

Sinopse: Orixinal espectáculo popular de monicreques bailaríns. Son tallas de madeira que cobran vida ao son dos variados instrumentos tradicionais da rexión flamenca de Limbourg: gaita, zanfoña, frauta, tamboril.

DOMINGO 11 de outubro ás 18.30 horas

 “A risa de Alicia”

 Nome da compañía: La Mar de marionetas.

Procedencia: Madrid

Técnica: mixta. Musical e teatro de actor.

Idioma: castelán

Duración: 60 minutos

Idades recomendadas: a partir de 3 anos

Sinopse: Alicia é unha nena que non sabe discriminar a realidade da fantasía. Os soños, a ficción e o mundo real mestúranse. Os sinxelos conflitos cotiáns cobran outro significado no ámbito da súa imaxinación. Chegar a tempo... As tarefas sen rematar... Demasiadas responsabilidades... Hai que crecer... Aínda es pequena... Hai que ordenar o cuarto... Obedece... Xa es maior... En que quedamos??? Os seus problemas convértense en pesadelos que a acompañan no transcurso do "día a día", poboadas de personaxes caricaturescos que nos poden recordar aos do famoso libro "Alicia no país das Marabillas". O "drama" disólvese cando a risa de Alicia chega como un torrente, para descargar as tensións, disolver os medos, desarmar a "os malos", desmitificar a "traxedia" e dar aos seus temores o enfoque cómico que lle permitirá conectar cos valores reais da súa propia vida.