A mediados de outubro darán comenzo na escola municipal O Castaño os obradoiros de pintura infantil e xuvenil e para maiores de idade.
Os obradoiros terán una duración bimensual e plantéxanse distintos turnos en diferentes horarios no espazo municipal de O Castaño:
· Grupo A: Adultos/as. Martes de 19:00 a 21:00 h.
· Grupo B: Adultos/as. Mércores de 10:00 a 12:00 h.
· Grupo C: Adultos/as. Mércores de 19:00 a 21:00 h.
· Grupo D: Nenos e nenas nacidos/as entre 2010 e 2013. Xoves de 17:00 a 18:30 h.
· Grupo E: Xóvenes nacidos/as entre 2004 e 2009. Xoves de 18:30 a 20.00 h.
Os obradoiros para adultos/as estarán a cargo do pintor e profesor Ricardo Pérez Rilo e os obradoiros infantil e xuvenil da man da pintora e profesora Isabel Pintado.
O prazo de pre-inscrición será do 8 ao 12 de outubro e a preinscrición debe realizarse obrigatoriamente de modo telemático na web municipal www.oleiros.org, na sede electrónica (non é necesario estar rexistrado/a).
As prazas son limitadas e actividade ofértase para persoas empadroadas no Concello de Oleiros. Dada a limitación de prazas en cada quenda, se as pre-inscricións recibidas neste período sobrepasan as prazas ofertadas, realizarase un sorteo público coas solicitudes recibidas en prazo. Será necesario cumprir cos requisitos de idade e empadroamento para entrar no sorteo.
Para ter máis Información dirixirse ao Departamento de Cultura na Fábrica (Rúa do Inglés, nº 13 – 15172 Perillo), no teléfono 981 610 000 (Extensións 4916) e 981 636 598, ou enderezo electrónico a r.caparros@oleiros.org