Igualdade

Imagen introducción igualdad

Hai contrastes sociais que temos que combater. Un deles é o que afecta a máis da metade da poboación: as mulleres. Levamos moito andado, mais a lacra do machismo está tan enraizada estruturalmente que é fundamental seguir combatendo no día a día para poder erradicar a súa influencia.

O noso compromiso é o de seguir remando en prol de todas as mulleres, da súa emancipación e liberdade. Así, é imprescindible continuar coa posta en marcha de medidas encamiñadas a acadar a igualdade de oportunidades. E, para isto, é fundamental transversalizar o principio de interseccionalidade, tendo en conta todos os aspectos sociais (idade, orixe, etnia, nivel socioeconómico etc.) a partir dos cales se xeran dinámicas discriminatorias e violentas que obstaculizan e impiden a consecución dunha igualdade plena, real e efectiva. 

Direcciones y teléfonos

Servizos Sociais e Igualdade, (Oleiros)
Map Edificio Obelisco Rua Camilo Díaz Baliño, s/n OLEIROS
Phone 981 610 000, EXT. 3601, 3112
Email s.sociais@oleiros.org
Servizos Sociais E Igualdade, Villa Echeverry ( Perillo )
Map Avda. Ernesto Che Guevara, 45 Perillo
Phone 981 610 000, EXT. 3601, 3112
Email s.sociais@oleiros.org

Asset Publisher

Back O Concello instalará un punto Violeta nas festas de Nós

Date 22 April 2026

O Punto Violeta disposto polo Concello para as Festas do San Marcos estará operativo as noites do venres 24 e sábado 25 de abril, en horario de 23:00 a 03:00 horas
 

Os Puntos Violeta configúranse como espazos de referencia, atención e acompañamento ante posibles situacións de violencia machista —incluíndo violencias sexuais e LGTBIfóbicas—, atendidos por profesionais especializadas e en coordinación coas Forzas e Corpos de Seguridade a través dun protocolo específico de actuación. A súa presenza nas festas permite ofrecer unha resposta inmediata, próxima e especializada, ao tempo que contribúe a xerar contornas máis seguras.

Xunto á atención directa, estes dispositivos teñen tamén unha función clave en materia de sensibilización social. Nos Puntos Violeta facilítase información sobre recursos e servizos municipais, distribúense materiais divulgativos e desenvólvense accións participativas adaptadas a diferentes idades, orientadas a promover o respecto, o consentimento e o coidado colectivo como elementos centrais da convivencia.

A iniciativa enmárcase na estratexia municipal de igualdade e prevención das violencias machistas, coa que o Concello de Oleiros leva anos reforzando a súa presenza nos espazos festivos, apostando por integrar a perspectiva de xénero tamén nos contextos de ocio e celebración.
 

back link