Igualdade

Imagen introducción igualdad

Hai contrastes sociais que temos que combater. Un deles é o que afecta a máis da metade da poboación: as mulleres. Levamos moito andado, mais a lacra do machismo está tan enraizada estruturalmente que é fundamental seguir combatendo no día a día para poder erradicar a súa influencia.

O noso compromiso é o de seguir remando en prol de todas as mulleres, da súa emancipación e liberdade. Así, é imprescindible continuar coa posta en marcha de medidas encamiñadas a acadar a igualdade de oportunidades. E, para isto, é fundamental transversalizar o principio de interseccionalidade, tendo en conta todos os aspectos sociais (idade, orixe, etnia, nivel socioeconómico etc.) a partir dos cales se xeran dinámicas discriminatorias e violentas que obstaculizan e impiden a consecución dunha igualdade plena, real e efectiva. 

Direcciones y teléfonos

Servizos Sociais e Igualdade, (Oleiros)
Map Edificio Obelisco Rua Camilo Díaz Baliño, s/n OLEIROS
Phone 981 610 000, EXT. 3601, 3112
Email s.sociais@oleiros.org
Servizos Sociais E Igualdade, Villa Echeverry ( Perillo )
Map Avda. Ernesto Che Guevara, 45 Perillo
Phone 981 610 000, EXT. 3601, 3112
Email s.sociais@oleiros.org

Asset Publisher

Back A campaña polo 8M organizada polo SNL municipal chega á rúa

Date 06 March 2026

O Servizo de Normalización Lingüística do Concello de Oleiros convocou, como cada ano, unha campaña polo Día da Muller, unha convocatoria de ideas dirixida á comunidade educativa do Concello de Oleiros co obxectivo de elaborar material divulgativo co gallo do 8 de marzo en galego.


A campaña estaba dividida en 4 categorías, atendendo aos cursos escolares das persoas participantes. A primeira categoría para nenos e nenas de 5º e 6º de primaria, a segunda para alumnado de 1º e 2º de ESO, a terceira para 3º e 4º de ESO e a cuarta para mozos e mozas de bacharelato.

Presentáronse 288 lemas da primeira categoría, 109 lemas da segunda categoría, 6 lemas da terceira categoría e 92 da cuarta categoría.

Logo de revisar todos os lemas, deixouse deserta a terceira categoría, por non haber ningún lema destacable e escolléronse dous lemas da primeira. 

Os lemas escollidos foron na primeira categoría Game over para o machismo: o 8 de marzo seguimos subindo de nivel xuntas, de Iago González Florescu, de 5º B de primaria do Colexio Hijas de Cristo Rey e Rompamos o teito de cristal, de Valeria Rostro Barrero, de 6º B do CEIP Plurilingüe da Rabadeira. Na categoría 2 elixiuse o lema Rompamos ese teito de cristal e construamos un mundo igual, de Alejandro Valero Villamar, de 1º de ESO do IES Miraflores e na categoría 4 gañou Fortes e valentes, donas do noso presente, de Ariadna Cuéllar González, de 1º de bacharelato do IES Miraflores.

Con estes lemas elaboráronse bolsas moradas para repartir entre o alumnado dos cursos participantes e o público en xeral.

back link