Oleiros, 21 de outubro de 2022-. As bibliotecas municipais de Oleiros énchense de actividades con motivo do Día da Biblioteca, que se celebra o vindeiro luns 24 de outubro. A intención do Concello é amosar a biblioteca como un lugar de lecer, que ofrece múltiples servizos, ademais de animar a ler e a gozar da literatura e da música a adultos/as, nenas e nenos.
Todas as bibliotecas municipais van acoller distintas actividades. Haberá mostras bibliográficas, contacontos, encontros literarios, pasatempos, concursos...