1. APRENDEMOS NA NATUREZA
A mellor aula de aprendizaxe, é o propio medio natural onde desenvolvemos as nosas vidas. Estamos xa nos dezanove anos de experiencias únicas, de aprendizaxes en directo desde o medio natural e cultural cos Centros do Ensino Público de Oleiros. Dende o inicio do programa ate hoxe xa foron moitos os destinos elixidos e os alumnos e alumnas participantes cos seus respectivos mestres e mestras a zonas do País cun alto interese natural, histórico - artístico, xeográfico, económico ou etnográfico, e algunha zona a cabalo entre Galicia e Asturies ou León.
Obxectivos
- Descubrir as características máis definidoras a nivel natural, social e cultural de cada lugar.
- Promover a convivencia e a socialización do grupo.
- Abrir e posibilitar ó profesorado novos xeitos de ensinar en contacto directo co medio natural.
- Fomentar a autonomía e o desenvolvemento persoal dos nenos e nenas , fóra do ámbito familiar e escolar.
Actividades
As peculiaridades de cada zona fan moi recomendable a realización de rutas para o desfrute e estudio da contorna.
Realizaranse xogos de simulación e descuberta ambiental para a mellor comprensión das características de cada zona.
Obradoiros de natureza, visitas de interese e dinámicas de grupo.
Destinatarios
O alumnado de educación primaria dos Colexios Públicos de Oleiros.
O profesorado dos niveis participantes.
Monitoraxe
Ademais dos profesores que a normativa obriga, as excursións estarán guiadas por educador@s profesionais, con amplia experiencia.
Solicitude de excursión
Como norma xeral, cada Colexio poderá escoller unha excursión como máximo a calquera dos destinos máis abaixo sinalados. Para iso, deberá cubrir e enviar a ficha de solicitude de actividades municipais.
Os destinos dos “Aprendemos na Natureza” deste Curso Escolar concrétanse nas seguintes excursións: