A Escola Municipal de Danza do Concello de Oleiros participará o vindeiro sábado no festival solidario Danzas con ilusión que terá lugar no Pazo da Cultura de Pontevedra ás 18:30 horas. O Ballet municipal interpretará dúas pezas da obra “Romeo y Julieta”.
A ONG Daman organiza este evento para recadar fondos e destinalos ao proxecto que ten en Senegal, concretamente para o comedor da escola Touba Merina e as bolsas de continuación de estudos. O donativo é de 5 euros.