Concellería de Parques e Xardíns
PRESENTACIÓN

Esta Concellería agrupa os servizos de mantemento de parques, xardíns e áreas verdes, o servizo de limpeza viaria e a supervisión e control do servizo de recollida de residuos sólidos urbanos.

A meirande parte destes servizos están contratados a empresas externas, anque o Concello conta con persoal propio para realizar o mantemento de certas zonas verdes e para completar o servizo de limpeza viaria en zonas non contratadas.

Asset Publisher

Back Celebración do día da Árbore en Maianca

Imagen Celebración do día da Árbore en Maianca

Coma ven sendo habitual nos últimos anos, temos celebrado o Día da Árbore cos pequenos do preescolar Luís Seoane, realizando unha prantación de 10 castiñeiros, 4 pradairos, 3 piñeiros e 5 tamarix na pradeira da rúa Gaza, en Canide.

No acto contamos tamén coa participación de membros da Asociación de Veciños San Cosme e persoal municipal.

Despois de varios aprazamentos por causas climatolóxicas, na mañán do día 11 de abril, as nenas e nenos puxeron todo o seu empeño en realizar a prantación e estarán atentos a coidar e vixiar o correcto crecemento destas novas árbores.