Este sábado día 7 chega á Fábrica Corochas, de Xarope Tulú, un espectáculo de pequeno formato que combina a narración oral, a manipulación de obxectos e a música recomendado para nenos e nenas de 0 a 6 anos.
A través do conto acumulativo, da canción e xogo de imitación preséntanse diversas paisaxes e personaxes que deben resolver múltiples enredos.
A entrada é gratuíta e haberá dous pases: un ás 17h30 e outro ás 18h30. Tanto por seguridade sanitaria como polas características propias da función o aforo desta actividade quedará reducido a 20 nenos e nenas (é dicir, sen contar acompañantes) en cada un dos pases.