Encontro con Xavier Seoane: 27 de outubro de 2010 ás 19:00 horas
Raíz e soño (Canción de Oleiros) 1976-2008 nace a instancias do editor Xan Arias para o seu proxecto Trifolium. Segundo Xavier Seoane "vibra un deses poderosos rexistros mariñás que tanto singularizan a Galicia e que tanto contribúen ao bo vivir do nativo e forasteiro". A escolma abrangue case trinta anos de composicións nas que afloran sentimentos de saudade, cantos de primavera, invocacións á natureza, a fauna e os rochedos, praias e brancos seixos. Como lembra Seoane "A poesía é voz de profecía", e o poeta escoita palabras e rumores onde outros cren sentir o simple besbello do silencio ou o fungar do vento nas follas".