Oleiros, 23 de agosto de 2018-. O Xuventude de Dorneda, por primeira vez na súa historia, e o Santa Cruz enfrontaranse o vindeiro sábado (Campo do Redondo, Montrove, 19:00 horas) na gran final do Trofeo Concello de Oleiros de fútbol. Ambos equipos chegan nun grande estado de forma a esta cita tras colleitar moi bos resultados nos partidos previos a este encontro.
Ademais dos dous equipos que se disputarán o título, o Obrero, o Atlético San Pedro, o Marino, o Hércules, o Montrove e o Perillo tamén participaron nesta competición que organiza todos os veráns o Concello de Oleiros. Repártense 10.000 euros en premios entre todos os equipos participantes.