Oleiros, 26 de agosto de 2019-. O Xuventude de Dorneda e o Obrero de Oleiros enfrontaranse o vindeiro sábado (Campo Leonardo Maceira, Os Regos, 19:00 horas) na gran final do Trofeo Concello de Oleiros de fútbol. Ambos equipos chegan nun magnífico estado de forma a este encontro tras colleitar moi bos resultados nos partidos previos a este encontro.
Ademais dos dous equipos que se disputarán o título, o Atlético San Pedro, o Marino, o Hércules, o Montrove, o Santa Cruz e o Iñás tamén participaron nesta competición que organiza todos os veráns o Concello de Oleiros. Repártense 10.000 euros en premios entre todos os equipos participantes.