Emerxencias de Oleiros acudiu á chamada do 112, como tamén o fixeron os bombeiros comarcais con sede en Arteixo. A Policía Local de Oleiros, primeiro corpo en chegar ao lugar do incendio, de dimensión considerable, desaloxou o edificio para minimizar os danos.
Durante o desaloxo, indicouse a dúas persoas que ocupaban unha vivenda que permanecesen nela, porque non se daban as condicións para sair. Máis tarde xa foi posible e todo se foi normalizando.
As persoas puideron volver a ocupar as súas vivendas unha vez que os operativos realizaron as comprobacións oportunas.
O domicilio afectado polo lume quedou inservible. O protocolo xudicial púxose en marcha para estudiar as cuestións que determinaron o suceso.