Oleiros, 7 de setembro de 2017-. O Goberno municipal está a elaborar unha ordenanza municipal a través da cal o Concello de Oleiros poderá adquirir aquelas árbores de interese ecolóxica e paisaxística que se atopen dentro da zona do Monumento Natural da costa de Dexo e Serantes. Desta maneira evitaranse as talas de árbores e os propietarios dos montes veranse compensados economicamente por deixar de vender a madeira.
A normativa estipulará que a titularidade da finca seguirá sendo do seu propietario pero será obrigatorio manter as árbores adquiridas polo Concello. Esta ordenanza tamén poderá ser de aplicación noutras áreas verdes do municipio.