Oleiros, 21 de outubro de 2016-. A última viaxe do programa de visitas culturais e de natureza terá como destino o MELGA, Museo Etnolúdico de Galicia, e unha ruta entre Ponteceso e Corme. Un total de 30 persoas participarán mañá nesta actividade.
A ruta a pé entre Ponteceso e Corme percorrerá interesantes lugares do patrimonio natural e cultural da Costa da Morte, como a enseada da Insua, a Pedra da Serpe e a Punta de Roncudo. O programa tamén inclúe unha visita ao museo MELGA, situado en Ponteceso, que amosa a evolución histórica e cronolóxica dos xogos e dos deportes, desde a prehistoria ata a actualidade.