Oleiros, 7 de febreiro de 2022-. Este mes de febreiro regresan as actividades do Apego cunha obra de teatro, A toupiña que quería saber quen lle fixera aquilo na cabeza, da Xanela do Maxín. Esta obra está baseada no popular libro homónimo de Werner Holzwarth e Wolf Erlbruch, que foi traducido a numerosos idiomas e que encanta a nenas e nenos.
O espectáculo será o sábado 12 de febreiro ás 18.00 h, no Auditorio Gabriel García Márquez. A obra de teatro está recomendada para maiores de 2 anos. As familias interesadas en acudir, poden preinscribirse na web municipal. As persoas inscritas con praza recibirán un correo de confirmación ao longo da semana.