Oleiros, 10 de outubro de 2014-. A Biblioteca Central Rialeda acolle o próximo mércores, 15 de outubro ás 19.00 horas, a presentación da novela “Un crime elegante”, da escritora Elena Galván e gañadora do Premio Fernando Arenas 2014. No acto intervirán, ademais da autora, o xornalista Pablo Portabales, o produtor de cine Javier Ozores, o editor e libreiro Manuel Arenas e o párroco de Liáns José Carlos Alonso.
Trátase dunha novela na que aparecen numerosos lugares coñecidos da cidade da Coruña e que atrapa ao lector desde a primeira á última páxina, finalizando cun desenlace inesperado. O Concello de Oleiros invita a todas as persoas que o desexen a asistir a esta presentación.