Oleiros, 15 de setembro de 2015-. O Concello de Oleiros informa a todos os usuarios que hoxe martes 15 de setembro remata o cobro polo aparcamento de vehículos nas zonas azuis do municipio. O servizo de ORA estivo vixente todo este verán, desde o 1 de xuño, en horario de 12:00 a 20:00.
As zonas azuis atópanse nas inmediacións das praias de Santa Cristina, Bastiagueiro, Santa Cruz e Mera. O obxectivo deste sistema é fomentar a rotación de vehículos e impedir que os mellores estacionamentos estén copados todo o día polos mesmos coches.