No recente campionato mundial celebrado na localidade finlandesa de Lahti, Alberto Fidalgo competiu nas probas de 10 km e de 20 km. Na distancia máis curta acadou a 5ª posición en categoría absoluta e o 2º posto en M35. Nos 20 km foi 3º en absolutos e 2º en M35, ademais de ser recoñecido polos xuíces como marchador do mundo con mellor técnica.
Nas próximas semanas Alberto Fidalgo participará novamente en importantes competicións. Primeiro disputará o Campionato Galego e posteriormente o Campionato de España.
Alberto Fidalgo é un orgullo para o pobo de Oleiros e un exemplo de deportista.