Oleiros, 8 de xuño de 2016-. O venres celébrase un seminario de rescate marítimo cos medios de salvamento, tanto os do Concello de Oleiros como os de Salvamento Marítimo. Todas as persoas interesadas en participar nesta actividade poderán apuntarse dirixíndose ao enderezo electrónico helimergalicia@yahoo.es.
O “Seminario de Intervención en rescates no medio acuático: a colaboración co nadador de rescate” terá lugar este venres día 10 entre as 16:00 e as 20:00 horas no salón de actos do Castelo de Santa Cruz, e posteriormente nos exteriores do recinto. Hai 60 prazas dispoñibles. A tarifa estipulada é de 5 kg de comida destinados ao banco de alimentos da Coruña, que terán que entregarse antes de iniciar o seminario.
Son requisitos obrigatorios para participar ser maior de idade e dispoñer de material de uso persoal para a práctica (traxe de neopreno, aletas e gorro de piscina). Tamén é recomendable empregar luvas, escarpíns e gafas de piscina ou mergullo.