Oleiros, 1 de agosto de 2017-. Os días 6, 7 e 8 de setembro, en horario de 9:00 a 12:30 horas, un equipo de axentes do Corpo Nacional de Policía desprazarase ata a Casa Charry para proceder á realización dos trámites oportunos para a renovación do documento nacional de identidade. As persoas que o soliciten por primeira vez ou que perdesen o documento, tamén poderán achegarse ata as instalacións policiais. Para os casos de renovación, os solicitantes deberán facer entrega do documento antigo para poder iniciar os novos trámites.
O prazo habilitado para a reserva de cita previa xa está aberto. As persoas interesadas poden chamar ao teléfonos 981 610 001, onde ademais recibirán toda a información que precisen sobre a documentación que deberán achegar, segundo cada caso.