Oleiros, 30 de setembro de 2019-. Os día 28, 29 e 30 de outubro, en horario de 9:00 a 12:30 horas, un equipo de axentes do Corpo Nacional de Policía desprazarase ata a Casa Charry para proceder á realización dos trámites oportunos para a renovación do documento nacional de identidade.
O prazo habilitado para a reserva de cita previa abre mañá martes 1 de outubro. As persoas interesadas poden chamar ao teléfono 981 610 001, onde ademais recibirán toda a información que precisen sobre a documentación que deberán achegar.