Oleiros, 12 de febreiro de 2018-. Os días 1, 2 e 5 de marzo un equipo de axentes do Corpo Nacional de Policía desprazarase ata a Casa Charry para proceder á realización dos trámites oportunos para a renovación do documento nacional de identidade. O horario de atención será de 9:00 a 12:30 horas.
O prazo habilitado para a reserva de cita previa xa está aberto. As persoas interesadas poden chamar ao teléfono 981 610 001, onde ademais recibirán toda a información que precisen sobre a documentación que deberán achegar, segundo cada caso.