Oleiros, 10 de febreiro de 2012-. Os contedores subterráneos que o Concello de Oleiros instalou na avenida Santa Cristina comezarán a funcionar o próximo luns día 13 de febreiro. Este soterramento de contedores de lixo realizada polo Goberno local mellora sensiblemente a calidade de vida neste núcleo de Perillo. As condicións de recollida e almacenamento temporal de refugallos transformáronse por completo con estes traballos. Así mesmo, logrouse mellorar esteticamente este turístico lugar do municipio.
A obra consistiu fundamentalmente na instalación de catro puntos de contedores subterráneos distribuídos ao longo de toda a avenida. Deste modo instaláronse módulos subterráneos nas confluencias da avenida coas rúas Pescado, Rafael Alberti, Xuncal e Humboldt.
O investimento total nesta importante obra foi de 193.820 euros. Deste modo, absolutamente todos os contedores da avenida están ocultos baixo terra e na parte superior só se poderá apreciar unha plataforma rectangular onde se sitúa a caixa de entrada de residuos.