Oleiros, 3 de xaneiro de 2013-. O Concello de Oleiros abre o prazo de inscrición para cubrir as vacantes nos “Obradoiros de expresión artística e artesanal” que se desenvolven dentro da programación de Actividades Ocupacionais de Servizos Sociais.
Son un total de 34 prazas dentro dos talleres de , “Encaixe”, “A Pintar”, “Tapiz” “Técnicas manuais” e “Fai a túa roupa”. Para poder participar as persoas interesadas deben estar empadroadas no Concello de Oleiros e ter cumpridos os 16 anos.Poderán realizar a solicitude de praza desde o 7 ao 10 de xaneiro, a través da carpeta cidadá na páxina web municipal www.oleiros.org, ou ben acudir as oficinas de Servizos Sociais do Concello de Oleiros.