Oleiros, 22 de marzo de 2012-. O alcalde de Oleiros, Ángel García Seoane, anunciou esta mañá que as obras de mellora da rede de saneamento no contorno da N-VI comezarán nun breve prazo de tempo, xa que se vai proceder a contratación inmediata dos traballos. Estas melloras realizaranse a través dun convenio co Ministerio de Fomento. O acordo permitirá renovar por completo as redes, tanto a de recollida de augas pluviais como a de saneamento e abastecemento, nalgúns tramos que se conectarán directamente cos colectores xerais que discorren a carón do río de Nós. As obras suporán un investimento total de 321.198 euros.