Oleiros, 3 de abril de 2012-. O Concello de Oleiros informa de que ao longo dos próximos días contratará entre 30 e 35 socorristas e 4 auxiliares de policía local para reforzar os servizos de Emerxencias e Protección Civil e a Policía Local durante o período estival. Os contratos abarcarán desde o 1 de xuño ata o 31 de setembro. Para optar a estas prazas as persoas aspirantes deberán estar en posesión da titulación necesaria.
As bases estarán a disposición das persoas interesadas no departamento de Persoal e Recursos Humanos do Concello de Oleiros e no portal web municipal. As solicitudes deben presentarse polo Rexistro Xeral do Concello, en horario de 8.30 a 13.00 horas.