Oleiros, 13 de febreiro de 2014-. O Concello de Oleiros consegue 384 cesións de solo dos 386 propietarios afectados pola futura obra de ampliación e mellora da estrada Perillo-Mera no tramo comprendido entre Santa Cruz e Santa Ana en Mera. O Concello levaba meses traballando desta nesta tarefa a través do departamento de Obras Públicas. O Goberno local, que demandou a mellora desta estrada á Xunta de Galicia, adquiriu o compromiso co Goberno autonómico de conquerir os terreos necesarios para poder levar a cabo esta mellora. A Consellería de Medio ambiente, Territorio e Infraestruturas investirá mais de 2,5 millóns de euros neste importante proxecto. O alcalde de Oleiros, Ángel García Seoane, destacou a predisposición e colaboración dos propietarios. O rexedor sinalou esta mañá que esta xestións so sería posible nun municipio como Oleiros que é singular e distinto.