Oleiros, 20 de marzo de 2014-. O auditorio Gabriel García Márquez de Mera acolle mañá sábado 22 de marzo ás 20:30 horas o pase da obra As do peixe. A compañía teatral Abrapalabra Creacións Escénicas, presenta este espectáculo de Cándido Pazó, baixo a dirección de Cristina Domínguez. A obra narra a historia de catro mulleres que periodicamente se reúnen nun lugar público para recuperar a memoria das conserveiras. O prezo da entrada é de 3,5 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.