Oleiros, 20 de marzo de 2017-. O vindeiro sábado 25 de marzo a Escola Municipal de Música realizará un intercambio co Conservatorio Municipal de Música de Carballo. O intercambio celebrarase coas orquestras e coros de ambos centros.
Primeiramente, os alumnos da Escola Municipal de Oleiros visitarán Carballo, actuando no Pazo da Cultura ás 19:00 horas. Posteriormente, o Conservatorio de Carballo devolverá a visita o día 2 de abril celebrándose un concerto no Auditorio Gabriel García Márquez de Mera, ás 12:00 horas. Con estes intercambios preténdese achegar ao alumnado experiencias enriquecedoras tanto no ámbito persoal como artístico, fomentando tamén a convivencia e a colaboración entre o alumnado de ambas escolas.