Oleiros, 15 de decembro de 2015-. A Biblioteca Municipal Rosalía de Castro de Santa Cruz acolle o xoves o espectáculo titulado Contos de Nadal a cargo da actriz Soledad Felloza. A través destes contos as nenas e os nenos viaxarán a un tempo máxico de fantasía e imaxinación e soñarán cos momentos especiais destas festas tradicionais.
Ás 18:00 horas será a función para nenas e nenos de 1 a 4 anos, que terá aforo limitado: máximo 30 prazas, polo que é imprescindible reservar praza na Biblioteca de Santa Cruz ou chamar por teléfono ao 981 626 338. Ás 18:30 horas levarase a cabo a sesión dirixida a nenas e nenos maiores de 4 anos.