Oleiros, 9 de xuño de 2020-. Ademais da inauguración do novo parque costeiro de Bastiagueiro que levará o nome de Las Trece Rosas (sábado día 13 de xuño, ás 19:00 horas), o auditorio da Fábrica acollerá a proxección do filme Las Trece Rosas. Será o venres, ás 20:30 horas.
Esta película, dirixida por Emilio Martínez-Lázaro, conta a historia destas trece mulleres, fusiladas despois de terminar a Guerra Civil. O réxime franquista asasinou estas mulleres, sendo a maioría delas menores de idade, por defender a liberdade, a democracia, a república e os dereitos dos traballadores e traballadoras.
A entrada é gratuíta. A capacidade estará limitada á metade das butacas, tal e como establece o BOE.