Oleiros, 28 de maio de 2020-. Ante as directrices do Goberno central pola crise sanitaria do COVID-19, o Concello de Oleiros non autorizará a realización de fogueiras de San Xoán nas praias. Si poderán facerse noutros lugares, sempre e cando se solicita previamente o correspondente permiso e se reciba unha autorización.
“Nestes últimos anos tiñamos o San Xoán moi ben organizado. Poñiamos leña nas praias para evitar a contaminación e había un comportamento moi bo por parte de todas as persoas que participaban nesta festa. Este ano non se van autorizar fogueiras nas praias porque así o determina o Goberno central. Isto non quere dicir que noutros lugares non se poidan facer lumeiradas, pero hai que pedir autorización no Concello”, dixo o alcalde Ángel García Seoane.