Oleiros, 11 de outubro de 2021-. Unhas 20 ONG e entidades sociais da comarca participarán o vindeiro sábado no I Encontro Mocidade Voluntaria, unha xornada dirixida a que a mocidade poida coñecer aquelas entidades máis próximas que contan con persoas voluntarias por se puidesen espertar o seu interese de colaboración. A xornada desenvolverase na Casa da Mocidade das Pedras, comezará ás 12:00 horas e finalizará ás 20:00 horas.
Ademais dos postos informativos de cada unha das entidades participantes, a partir das 16:00 horas realizaranse mesas redondas e charlas sobre voluntariado e cooperación. Tamén haberá actuacións musicais e a gravación en directo ás 13:00 horas do programa de radio Mociradio, que elabora un grupo de mozas e mozas de Oleiros e se emite a través das redes.
Todas aquelas persoas interesadas en obter máis información poden dirixirse á web https://centrosmocidadeoleiros.wordpress.com, ao teléfono 981 977 944 ou ao correo electrónico pix.aspedras@gmail.com.