Oleiros, 13 de marzo de 2014-. O Concello de Oleiros informa de que o primeiro período do calendario fiscal permanecerá aberto ata o próximo 30 de abril. Neste período deberanse aboar os pagamentos correspondentes aos impostos por entradas de vehículos a través da beirarrúa e reserva de espazo (VADOS), terrazas de uso hostaleiro, nichos en cemiterios municipais, así como o imposto de vehículos de tracción mecánica (IVTM).
Os recibos que están domiciliados pasaranse ao cobro o día 1 de abril. Así mesmo, o Concello está enviando os avisos de pagamento dos recibos non domiciliados aos contribuíntes a través de correo ordinario, recordando o período de aboamento e sinalando as entidades colaboradoras para que poidan efectuar o pagamento.