Hemeroteca

Asset Publisher

Back O Marino proclámase campión do XLVI Trofeo Concello de Oleiros de fútbol

Oleiros, 29 de agosto de 2016-. O Marino de Mera venceu ao Atlético San Pedro por dous goles a cero na final do Trofeo Concello de Oleiros disputada o sábado no campo Eugenio Pardo Conchado. Antonio e Fernando anotaron os dous goles que lle deron a vitoria ao equipo de Mera.

A chave do triunfo estivo na pegada amosada por parte dos xogadores do Marino de cara á porta rival. Ademais desa mellor efectividade, os merachos amosaron unha maior facilidade para combinar e abrir o xogo por ambas bandas. O Atlético tamén dispuxo de claras ocasións debido a varios erros defensivos cometidos polo Marino, pero os dianteiros de Nós non estiveron atinados.

O Condús rexistrou unha grandísima afluencia de seareiros das dúas localidades que gozaron do magnífico espectáculo que ofreceron os dous conxuntos nunha tardiña solleira ideal para o deporte.
 

back link